Kuboshwe abesifazane abatholakale nezithako ze-heroin

Johannebsurg - Kulindeleke bavele eNkantolo yeMantshi eMusina ngoLwesibili abesifazane ababili abazame ukungena eNingizimu Afrika nezithako zokukhiqiza izidakamizwa, kusho amaphoyisa aseLimpopo.

Oyedwa wabasolwa ungowaseZimbabwe kanti omunye ungowaseLesotho, baneminyaka engu-39 nengu-23 ngokulandelana kwabo, baboshwe emgceleni waseBeit Bridge ngeSonto ebusuku bengena kuleli  bephuma eZimbabwe, kusho uColonel Ronel Otto.

Funda nalolu daba: Indoda iwelwe umshini yashona isemsebenzini.

"Bamiswa baseshwa.... kwatholakala ukuthi baphethe i-ephedrine, okuyisithako esibalulekile esisetshenziselwa ukukhiqiza i-heroin."

U-Otto uthe laba besifazane bebephethe izithako ezinesisingo esingu-18Kg.

Amaphoyisa athi lezi zithako zingabiza u-R8 million.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).