29 May 2015

Kuboshwe amaphoyisa ngokweqa kwesiboshwa

Port Elizabeth – Kuboshwe amaphoyisa amabili ngezinsolo zokusiza owesifazane owayeboshelwe ukubulala eqe ezikhindini ngokusho kombiko.

Okhulumela amaphoyisa aseMotherwell uCaptain Andre Beegte uthe amaphoyisa, elinye elingu-warrant ngesikhundla elineminyaka engu-53 ubudala nelinye elinguSayitsheni elinengu-58 ubudala, akhalelwe ngamasongo kaSigonyela ngemuva kokuba umsolwa wesifazane oneminyaka engu-28 ubudala uLungiswa Tsengiswe enyamalele ezikhindini zesiteshi samaphoyisa saKwazakele ngoLwesine.

UBeegte uthe kubonakale ngoLwesine ukuthi uTsengisiswe akasekho lapho abevalelwe khona.

OLUNYE UDABA: Kudutshulwe kwabulawa usomatekisi eMarianhill

“Ibamba lomphathi wesiteshi ubheke umabonakude wangaphakathi esiteshi kwabonakala ukuthi lona wesifazane weqe ngosizo lwala maphoyisa,” esho.

UBeegte uthe kuqale uphenyo lwangaphakathi njengoba la maphoyisa ethweswe amacala enkohlakalo, ukusiza ngokweqisa isiboshwa nokwephula umthetho.

Kulindeleke ukuthi la maphoyisa avele enkantolo ngoMsombuluko mhlaka 1 kuJuni 2015.

UBeegte unxuse noma ngubani onolwazi ngoTsengisiwe ukuba axhumane namaphoyisa asesiteshini saKwazakele.

- “Like” ikhasi lethu kuFacebook ukuze uthole izindaba ngolimi lwakho

- Landela IzindabaNews24 kuTwitter

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()