Durban – Umkhankaso wokuphuma inqina kwamaphoyisa ethungatha izigebengu ezibandakanyeka ekudayisweni kwezidakamizwa nokuphatha izibhamu nezinhlamvu okungekho emthethweni, kugcine ngokuthi kuboshwe abantu abangaphezu kwekhulu.
Kulo mkhakhaso kuphinde kwaboshwa abantu abakuleli ngokungemthetho.
Okhulumela amaphoyisa uColonel Jay Naicker uthe: “I-Operation Fiyela iqale KwaZulu-Natal, kwaboshwa abantu abangu-108 kulesi sifundazwe.
OLUNYE UDABA: Kuboshwe osolwa ngokugqekeza nokudlwengula eKZN
“Lo mkhankaso ubuqhutshwa amaphoyisa e-SAPS, amasosha, akamasipala kanye nezikhulu zoMnyango wezaseKhaya ngenhloso yokukhuculula imiphakathi.”
Abezokuphepha bebetshalwe ezindaweni okubalwa kuzo uMgungundlovu, uMlazi naseNanda.
UNaicker uthe bashaqe utshwala, izidakamizwa, izikhali eziyingozi, izimpahla ezebiwe nezingekho emthethweni.
Umbiko ngabe-ANA.