Kuboshwe 'izinyoka' eziyishumi eNorth West

Johannesburg –  Kuboshwe abayishumi ngokuntshontshwa kwezintambo zikagesi ngokusho kwamaphoyisa aseNorth West.

“Amaphoyisa nonogada baseMarikana nasemayini yase-Aquarius abambe oqotsheni abasolwa abayishumi beziphethe lezi zintambo ngoLwesithathu,”  kusho isitatimende esikhishwe ngokhulumela amaphoyisa uCol Sabata Mokgwabone.

“Laba basolwa batholwe emayini engasasebenzi ngemuva kokuthi amaphoyisa elunywe indlebe ukuthi kunezenzo zobugebengu eziqhubekayo kule ndawo,” kuqhuba isitatimende.

UMokgwabone uthe abangu-8 bala madoda ngabokufika njengoba kunabaseMozambique naseZimbabwe kantiababili ngabaseNingizimu Afrika.

OLUNYE UDABA: 'Izinyoka' ziphazamise ukuhamba kweGautrain

Kubikwa ukuthi amaphoyisa athole amabhodwe, izinto zokukhanyisa nokunye kwensimbi kanti aphinde athola namathini okudla ngesikhathi egasele kule ndawo.

“Siphinde sathola ulwazi oluthi kuphinde kwatholakala nensangu kwamanye ala madoda,” esho.

Amaphoyisa aveze ukuthi izintambo zikagesi ezitholiwe zilinganiselwa ku-5 380 kg okungabiza isama semali engu-R109 000.

Kulindeleke ukuthi abasolwa bavele enkantolo yaseMarikana ngoMsombuluko bebhekene namacala okweba, ukutholakala nezimpahla ezebiwe nensangu.

   - “Like” ikhasi lethu kuFacebook ukuze uthole izindaba ngolimi lwakho

     - Landela IzindabaNews24 kuTwitter