Johannesburg - Umlisa oneminyaka engu-26 ubudala obefuneka ngamacala okubulala uThabane Mcube eminyakeni emithathu eyedlule, ubanjwe waboshwa eWadeville, eGermiston, kusho amaphoyisa aseGauteng ngoLwesibili.
UWarrant Officer Xoli Mbele uthe umlisa lona kanye nayesebenzisana naye kuthiwa bagwaza uMcube washona ngomhlaka 24 Ephreli 2011 eGoli.
"Kuthiwa isisulu sabanengxabano nabasolwa ababili. Isisulu sasifuna umakhalekhukhwini waso kubona. Abasolwa batshela isisulu ukuba sibalandele baye efulethini labo okuyilapho bafike bamgwaza khona," usho kanje.
UMbele uthe umlisa uboshwe ngemuva kokuba kushicilelwe isithombe sakhe kumaphephandaba ahlukene ngoLwesihlanu.
Uzovela eNkantolo yeMantshi eGoli ngoLwesithathu.
Omunye umsolwa yena usagcwele amathafa, usho kanje.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.