"Indiza kamengameli isayolungiswa yingakho engahambanga ngayo. Siqasha enye indiza uma kungukuthi le ekamengameli inenkinga,” kusho okhulumela uMnyango uSiphiwe Dlamini.
Akazange asho ukuthi le ndiza izobiza malini ukuyisebenzisa, wathi lokho kuncike enkontilekeni uMnyango wezoMgcinimafa onayo nenkampani eqashisa ngezindiza.
Nokho, umbiko we-SABC ngoLwesibili uthe le ndiza izodla abakhokhi bentela imali engango-R6 million.
OLUNYE UDABA: UZuma uyoxazulula isimo eLesotho
UZuma utheleke eMelika ngeSonto.
Kulindeleke ukuba ethule inkulumo emhlanganweni we-United Nations, eNew York ngoLwesithathu.
Umkhulumeli kaZuma, uMac Maharaj, uthe umengameli uzosebenzisa ithuba azolithola ukubonga i-UN namazwe omhlaba ngokweseka iNingizimu Afrika njengoba igubha iminyaka engu-20 yathola inkululeko.
- “Like” ikhasi lethu kuFacebook ukuze uthole izindaba ngolimi lwakho