Johannesburg - Zingaba ngu-480 izigxobo zikagesi ezicekelwe phansi eKempton Park nasezindaweni ezakhelene nayo, kusho uMasipala waseKurhuleni, ngoLwesithathu.
Okhulumela umasipala uThemba Gadebe, uthi izigxobo zikagesi zicekelwe phansi esikhathini esingaba amasonto amathathu.
"Izigxobo zigenciwe ezinye zashumpulwa zikhishwa emhlabathini. Izindawo ezikhahlamezekile zihlanganis a i-Esther Park, Kempton Park West, Terenure, Birch Acres, Birchleigh North, Norkem Park, Van Riebeeck Park, Edleen kanye naseCroydon," kusho uGadebe.
Ukwebiwa kwezigxobo kanjalo nokucekelwa phansi kwazo kungukwephulwa komthetho, kusho umasipala othi usebenzisana namaphoyisa ukubamba izikhohlakali.
Ngokusho kukaGadebe, sekuqashwe inkampani yonogada ukuqapha eKempton Park.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.