Publications
Partners
Johannesburg – Kudutshulwe kwalimala amasosha amabili akuleli angaphansi
kweSouth African Defence Force abeyoqapha isimo eSudan ngokusho kwabombutho
kuleli.
“Amasosha alimele aphuthunyiswe
ngendiza enophephela emhlane ukuya esibhedlela e-El Fashir.
La masosha
asesimeni esibucayi kodwa ayathembisa esibhedlela esingaphansi kwe-UN,” kusho
uCapt Jaco Theunissen.
OLUNYE UDABA: Kulimale amasosha akuleli e-DRC
Uthe amanye amasosha amabili athole ukulimala
okungatheni ngesikhathi kudutshulwa eduze kwenkambi ezinze amasosha akuleli.
Kubikwa ukuthi lesi sigameko senzeke emini bebade ngoLwesithathu ngesikhathi
amasosha amane angaphansi kwe-SANDF eyolanda amanzi endaweni eseduzane iKutum.
Lesi
sigameko senzeka njengoba izwe iSudan limatasa lilungiselela ukhetho
okulindeleke ukuba lenzeke phakathi kuka-Ephreli noMeyi.
- “Like”
ikhasi lethu kuFacebook ukuze uthole izindaba ngolimi lwakho
