Kudutshulwe kwabulawa amabhungu eKapa

Cape Town – Kudutshulwe kwabulawa amabhungu amabili kwathi amathathu alimala ngesikhathi amadoda abehlome ngezibhamu angaziwa evulela ngenhlamvu ekhoneni lomgwaqo eKraaifontein.

Amabhungu abehleli emgwaqweni uPertunia eScottsville adutshulwe ngentululwane yezinhlamvu ngoLwesine ebusuku, kusho okhulumela amaphoyisa esifundazwe uCaptain FC Van Wyk.

OLUNYE UDABA:  Owesilisa ushonele ebhanoyini lakwaMango eya eGoli

“Amabhungu amabili aneminyaka engu-16 no-17 ubudala adutshulwe abulawa kulesi sigameko kwathi abanye abathathu abaneminyaka u-17, 19, no-33 balimala kanzima,” eqinisekisa.

Abalimele baphuthunyiswe ezibhedlela eziseduzane ukuze bathole ukwelashwa kanti amaphoyisa avule amadokodo okubulala nokuzama ukubulala.

Uthe kungenzeka ukuba lesi sigameko sihambisana nezimpi zamagenge eziqhubekayo endaweni.

          - “Like” ikhasi lethu kuFacebook ukuze uthole izindaba ngolimi lwakho

             - Landela IzindabaNews24 kuTwitter