Johannesburg - Kudutshulwe kwabulawa usomatekisi kwathi abanye abalisa ababili balimala kanzima esehlakalweni sokudubula esenzeke kuNoord Street, maphakathi neGoli, ngoLwesine, kusho amaphoyisa aseGauteng.
Umnikazi wamatekesi oneminyaka engu-51 ubudala udutshulwe ekhanda ngesikhathi ehamba kuNoord Street ephuma efulethini lakhe ngezithuba zabo-08:00, kusho uWarrant Officer Xoli Mbele.
Ushonele endaweni yesehlakalo.
Inhlamvu idubule nomlisa obehamba ngemuva kukasomatekisi oneminyaka engu-32 ubudala.
Ngesikhathi abantu bezama ukujaha odubulile, uphinde wadubula
okwesibili, kwadubuleka umlisa oneminyaka engu-50 ubudala.
Funda nalolu daba: Akubuyekezwe umthetho ngezibhamu - ANC.
Okhulumela abe-911 uSanti Steinmann uthe oyedwa kwabalimele ubezihambela ngesikhathi kuqhuma isibhamu, wabona ngokuhamba kwesikhathi ukuthi udubulekile.
USteinmann uthe bobabili abalisa balimale kabi, kanti baphuthunyiswe esibhedlela esiseduzane.
Akukaboshwa muntu.
UMbele unxuse noma ubani obonile kwenzeka
lesi sehlakalo ukuba axhumane namaphoyisa.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.