Durban – Kudutshulwe kwabulawa usomatekisi ngaphandle komuzi wakhe eMarianhill entshonalanga yeThekwini ngokusho kombiko.
UMabhunu Xaba oneminyaka engu-55 ubudala obenguNobhala weKwaNdengezi Taxi Association udutshulwe wabulawa ngoLwesithathu kusihlwa ngaphambi kokuthi angene emzini wakhe.
Isigameko sokudutshulwa kwalesi sikhulu samatekisi siqhamuka ngemuva kwezigameko zodlame ezahlukene esifundazwe saKwaZulu Natal.
OLUNYE UDABA: Baphumile esibhedlela abebebhokodwe yinyathi eKZN
Amlungu omndeni ahlangabezane nesidumbu sakhe simanikiniki izinhlamvu ngaphakathi emotweni yakhe yohlobo lweLand Rover Discovery 3.
Umshana kaXaba ocele lingadalulwa igama lakhe ngenxa yokusaba uthe uthole ucingo oluqhamuka kunina ngoLwesithathu ebusuku emazisa ukuthi ngosekwenzekile kumalume wakhe.
Amphoyisa asiqinisekisile lesi gameko.
- “Like” ikhasi lethu kuFacebook ukuze uthole izindaba ngolimi lwakho