Johannesburg - Kuphuthunyiswe umshayeli webhasi yakwamasipala esibhedlela ngemuva kokudutshulwa izigebengu ebezibamba abagibeli inkunzi endaweni yaseNewlands, eGoli.
Kukholakala ukuthi izigebengu zingene ebhasini zavulela ngenhlamvu kumshayeli ngaphambi kokubamba abagibeli inkunzi.
Okhulumela abosizo lokuqala i-ER24 uWerner Vermaak uthe: "Umshayeli webhasi udutshulwe esiswini kanti usesimweni esibucayi kanye nomgibeli oyedwa."
Umgibeli obesebhasini ebilandela le ehlaselwe ekuseni uthe lesi sigameko sokuhlaselwa kwebhasi akusiso esokuqala kule ndawo, kubika abe-Eyewitness News.
OLUNYE UDABA:Kubanjwe inkunzi abosizo lokuqala
"Kuyaqala ukuthi kudutshulwe umshayeli njengoba kwesinye isigameko babekhombe umshayeli ngesibhamu ngesikhathi bebamba abagibeli inkunzi."
- “Like” ikhasi lethu kuFacebook ukuze uthole izindaba ngolimi lwakho