Ngokusho kokhulumela amaphoyisa aseWestern Cape uFrederick van Wyk owesilisa oneminyaka engu-39 ubudala udutshulwe ngoMsombuluko ekuseni ngezikhathi zabo-06:00 ekuseni.
UVan Wyk uthe lona wesilisa odabuka eZwelitsha ubanjwe inkunzi isibhamu sakhe kanti isizathu sokubulawa kwakhe besingakaziwe njengoba kungakaboshwa muntu ngalesi sigameko.
Kuthiwa lesi sigameko senzeke ngesikhathi esifanayo ngesikhathi kunombhikisho oqhubekayo kule ndawo lapho kushiswe khona amabhasi ayisikhombisa akwa-Golden Arrow.
Okhulumela le nkampani yamabhasi uBronwen Dyke uthe abashayeli babo abayisikhombisa bakhishwe ngendluzula emabhasini bahlukunyezwa bashaywa.
UNgqongqoshe wezokuThutha eWestern Cape uDonald Grant neMeya yaseKapa sebesigxekile lesi sigameko sodlame.
- “Like” ikhasi lethu kuFacebook ukuze uthole izindaba ngolimi lwakho