Kugwazwe ikhehla kubanjwa inkunzi eThekwini

Durban – Ikhehla elineminyaka engu-81 ubudala ligwazwe amahlandla ambalwa ngesikhathi lilwa nezigebengu ezigqekeze emzini walo oseGlenwood eThekwini.

UKennith Sara uvuswe ukubhonga kwenja yakhe alala nayo nomkakhe embhedeni.

Ngesikhathi evulela inja yakhe ukuze iphume ikhululeke uhlaselwe owesilisa obephethe ummese..

“Angimazi ukuthi uqhamuke kuphi lo mlisa njengoba eqhamuke esengihlasela ngommese ngazama ukulwa ukuzivikela,” echaza.

OLUNYE UDABA: Isitholakele ingane, 3, ebithunjiwe

USara uthe beseligobhoza igazi kuyena njengoba ebengasazi nokuthi ugwazeke kuphi nendawo. .

“Ngesikhathi ngilwa nalo mlisa omunye omunye ugijima waya egunjini obekulele umkami wafika wamphushela odongeni wamfuna imali namaselila,” eqhuba.

Uthe ngokuhamba kwesikhathi ubone ukuthi lezi zigebengu zeqe uthango zasebenzisa i-screwdriver ukugqekeza iwindi ukuze livuleke.

USara ugwazeke ekhanda nasengalweni njengoba ethathwe yi-ambulance waphuthunyiswa esibhedlela ngemuva kokuba lezi zigebengu zithathe imali namaselula ngaphambi kokuthi zibaleke.

         - “Like” ikhasi lethu kuFacebook ukuze uthole izindaba ngolimi lwakho

         -  Landela IzindabaNews24 kuTwitter