Nelspruit – Owesilisa waseMpumalanga owaphuma ngoshwele ngo-2012 ngemuva kokubhadla ejele ngecala lokudlwengula uphinde wagwetshwa iminyaka engu-17 ngaphakathi ejele ngecala elifanayo.
U-August Khumalo oneminyaka engu-37 ubudala waseMataffin ngaseMbombela eMpumalanga ugwetshwe yiNkantolo yesiFunda yaseNelspruit ngoLwesine.
Kubikwa ukuthi uKhumalo waphinde waboshwa ngawo-2012 ngemuva kwezinyanga eziyisithupha ethole ushwele ngemuva kokudlwengula abesifazane ababili abeneminyaka u-27 no-29 ebakhombe ngommese ngemuva kokubathembisa umsebenzi.