Johannesburg – Umndeni kaDolly Tshabalala kufanele ulinde izinsuku ezimbalwa ngaphambi kokuba ulalele isinqumo senkantolo ecaleni lokubulawa kwendodakazi yawo.
Amalungu omndeni atheleke eNkantolo eNkulu yaseGoli ehlezi eNkantolo yeMantshi yasePalm Ridge ngoLwesibili egqoke imifaniswano ebhalwe ukuthi Tshabalala kodwa aphume kuyo edangele ngemuva kokuba iJaji uCassim Moosa ekuhlehlisele uMsombuluko ozayo ukulalelwa kwesinqumo ecaleni elibhekene nowayenguDJ womsakazo iJozi FM uDonald Sebolai.
OLUNYE UDABA: Isinqumo kwelikaDJ osolwa ngokubulala intombi
UMoosa utshele inkantolo ukuthi ube nomhlangano nabameli lapho okuvunyelwene khona ngokuthi isinqumo sikhishwe ngesonto elizayo.
UTshabalala watholwa eshonile efulethini likaSobolai eSoweto ngoJuni ngonyaka ophelile.
UTshabalala wopha waze washona ngemuva kokugwazwa.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter