Pretoria - UDawid Connoway kulindeleke ukuba alivume icala lokubulala owayeyingoduso yakhe uNicolene Schreuder.
Lokhu kudalulwe ngesikhathi evele eNkantolo yeMantshi yasePitoli ngoLwesibili.
Phambilini uConnoway bekulindeleke ukuba afake isicelo sebheyili, kodwa wakhetha ukusihoxisa.
Funda nalolu daba: Kubhikishe abazalwane befuna kuxoshwe 'othanda umnikelo'
UConnoway, 39, usolwa ngokudubula ekhanda uSchreuder,35, owayesehhovisi lakhe eMoreleta Park ngo-Ephreli 29, washona khona lakho.
UConnoway ubhekene necala lokubulala, ukutholakala nesibhamu esingekho emthethweni kanye nokukhomba unogada ngesibhamu.
Ngesikhathi egcina ukuvela enkantolo, inkantolo yatshelwa ukuthi uConnoway wakhomba ngesibhamu unogada ngesikhathi efuna ukubaleka ngesithuthuthu sakhe.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.