Kumapeketwane emshadweni wengane kaZuma

Durban – Kumapeketwane emshadweni wendodakazi kaMengameli Jacob Zuma uDudu Zuma nomyeni wakhe uLonwabo Sambudla njengoba sekuvele ukuthi sebehlala ngokwehlukana ngokusho kombiko.

Ngokubika kweSunday Sun akukapheli neminyaka emihlanu lezi zithandani zabopha ifindo likasofa silahlane nokwaba umshado owaphendula undabuzekwayo.

Imithombo yaleli phephandaba idalule ukuthi nakuba la sebehlala ngokwehlukana kodwa abazondani njengoba besaqhubeka nokuxhumana.

“Ukuhlukana kwabo kwaba yisuvumelwano sabo bobabili.

Okwamanje uLonwabo usephumile emzini wabo sekusele uDudu namanye amalungu omndeni wakhe amesekayo kulesi sikhathi abhekene naso.

Kubukeka sengathi bazogcina behlukanisile ngokugcwele,” kusho umthombo.

Omunye umthombo uthe:

“Isimo asisafanai nakuqala. Ngeke usababona emphakathini ndawonye.

OLUNYE UDABA: Usinde ngokulambisa umculi wejazz edutshulwa

UDudu ucabanga ukuthi uLonwabo akaseyena lo muntu amshada.

Umndeni wakwaZuma wawufuna ukumlawula njengoba aze aphoqeleka ukuthi alaxaze abangani bakhe bakudala.

Ubesehlale ekhononda njalo ngokuziphatha kukaLonwabo njengoba ebese wayibikela imindeni yabo ngempatho ayithola kumyeni wakhe.”

UDudu noLonwabo bashada umshado owaba sezingeni eliphezulu ngo-2011 kanti umshado wabo wagcwala kwabezindaba njengoba kwabe kukhona izicukuthwane ezahlukene okubalwa kuzo usomabhizinisi uVivian Reddy nomkakhe, umkhulumeli we-ANC uZizi Kodwa, inkosi Mandla Mandela, usaziwayo uKhanyi Mbau, owayenguMiss SA, Tansey Coetzee, usomahlaya uDavid Kau, uSomizi Mhlongo uMiriam Ngomani noMpumi Gwinya.

NgoMgqibelo uLonwabo wenqabile ukuphawula ngalolu daba ngesikhathi ethintwa.

UDudu naye ugcine engatholakalanga njengoba inombolo iSunday Sun ebinayo ibikhala ingaphendulwa kanti nemiqhafazo ethunyeliwe kuze kwashaya isikhathi sokushicilela ingaphendulwanga.

       - “Like” ikhasi lethu kuFacebook ukuze uthole izindaba ngolimi lwakho

          - Landela IzindabaNews24 kuTwitter