Abezindaba babike ukuthi uKhumalo wala ukukhipha izimpahla zikaMeyiwa ekubalwa kuzo nonyanyavu lwemoto i-BMW X6 kanjalo nomazisi wakhe.
Umethuli wohlelo i-Afternoon Drive, uXolani Gwala, umeme uSiyabonga Meyiwa, okunguye okhulumela umndeni, kuze ezochaza okuqhubekayo kanjalo nangezinsolo ezibekwa uKhumalo.
USiyabonga ugxeke imibiko yabezindaba ngokukhuluma okungeyikho ekuthiwe kwenziwe nguKelly Khumalo.
Funda nalolu daba: Umndeni uguqule isinqumo ngoKelly emngcwabeni
"Angicabangi ukuthi anganqaba nezinto zikaSenzo, wonke umuntu naye uqobo uKelly, ufuna kuphumelele obekungajatshulelwa uSenzo. Uyazi ukuthi izinto sekungezezingane manje. Ngiyacabanga uKelly ubemthanda uSenzo futhi-ke sonke siyazi ukuthi uSenzo ubemthanda uKelly," kusho uSiyabonga.
"Ubengaqondile ukusho akushilo. Uphatheke kabi ngokuthi kungenzeka ukuthi ukhulume kabi ngoKelly. Empeleni akazimisele ngokugxambukela ezindabeni zikaSenzo zangasese, akufunayo ukuthi uSenzo afihlwe ngesizotha," kuqhuba uSiyabonga.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.