Durban – Amaphoyisa aphenya ngokushaywa ngamatshe kwe-ambulensi yakwa-Emergency Medical Rescue Services eMlazi, ngaseThekwini, ngoLwesibili ebusuku.
I-ambulensi ishywe ngesitini ithi iyaphuma nje ePrince Mshiyeni Memorial Hospital, ngenhlanhla bangalimala abosizo lokuqala.
Okhulumela amaphoyisa uMajor Thulani Zwane ukuqinisekisile ukuthi abaseshi baseMlazi baphenya ngalesi sigameko.
“Kuvulwe icala lokucekela phansi impahla kahulumeni ngoLwesibili ebusuku. Kuthiwa le ambulensi ishaywe ngabantu abangaziwa esigcemeni sakwa-V.
OLUNYE UDABA: Kudunwe i-ambulensi e-KZN
“Imbangela yalokhu kuhlasela ibingakacaci,” kusho uZwane.
Lesi sigameko silandela ukudunwa kwama-ambulensi amabili oThungulu, enyakatho neKwaZulu-Natal ngoMsombuluko.
Kunemibiko ethi abosizo lokuqala abalubhadanga emsebenzini bekhalazela ukungaholelwa ngesikhathi nokungakhushulelwa imali.