Durban – Sekutholakale isidumbu sesithathu kulo nyaka sintanta emhosheni kwa-C KwaMashu, eThekwini.
Ukutholakala kwalesi sidumbu kwenze ikhansela leDA KwaMashu ukuba licele abesifazane abazithwele emphakathini ukuba bathole usizo kunokuba balahle izingane.
Ikhansela u-Emmanuel Mhlongo uthe ubizelwe endaweni yesehlakalo ngezithuba zabo-13:00.
UMhlongo uthe amalungu omphakathi iwona ambizile amazisa ngokutholakala kwesidumbu emanzini.
Funda nalolu daba: Ubuyile umqeqeshi owanyamama ngemuva kokuthola induku
“Ngiphuthume endaweni yesehlakalo ngathola amaphoyisa kanye nomphakathi bebuthene endaweni yesehlakalo. Elinye lamalungu omphakathi lithe libone owesilisa ephuma emotweni emnyama ephosa uplastiki emanzini wabe esehamba.”
UMhlongo uthe sekungokwesithathu kutholakala isidumbu sengane emanzini kulo nyaka.
“Sicela abesifazane emphakathini wethu ukuba bathole usizo kunokuba balahle izingane. Abantu akumele bazibulale izingane; zikhona izikhungo ezibekelwe ukuba bathole usizo kanye nalezo ezigcina izingane,” kusho uMhlongo.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.