Durban - Bahlulekile ukuzibamba abagibeli bakwa E, F & G ngelanga lokuvulwa kwerenki yamatekisi ezitolo kwa-E koBhanana,baqhulula inhlamba bethuka kwabani obeseduze, kubhala abezindaba ze-Eyethu News.
Isikhulu esinamatekisi uSiyabonga Gasa, uthi abagibeli bashiye abangalazi kubashayeli nezikhulu ebezikhona, kulandela izinguquko ebezikhona kuvulwa irenki ngokusemthethweni.
“Omunye umama uthe ‘sibehlisa sibenyusa njengephenti likamahosha’ abanye besibiza ngaphansi kweziketi zomama bethu, ” kusho uGasa.
Okhulumela usoseshini womzila uMboniseni Richard Hadebe, uthi amatekisi azothatha abantu ezigcemeni zabo ngo-R2 ebalethe erenki bathathwe elinye itekisi erenki libayise eThekwini ngo-R12.
“Inhloso yethu ukuthi abagibeli basizakale nabo ngokuthi bengalibaziseki lapho beyakhona. Itekisi iphuma isigcwele ayihambi ima endleleni uma isuka erenki.”
Umphakathi uyanxuswa ukuthi ubekezele.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.