Johannesburg - Kushaywe inesi esibhedlela saseGoli, iHelen Joseph Hospital, kusho uMnyango wezeMpilo ngoLwesibili.
"UMnyango wezeMpilo eGauteng usuqinise ezokuphepha eHelen Joseph Hospital kulandela ukushaywa kabuhlungu kwenesi,” kusho okhulumela uMnyango, uPrince Hamnca.
"Umsolwa wangena esibhedlela kalula,” kusho uHamnca.
Isehlakalo senzeke esibhedlela ngoLwesihlanu ebusuku.
Inesi lisebenza eNational Health Laboratory Service liphide lithathe amagazi ezigulini.
"Inesi leli liyelulama esibhedlela kanti kulindeleke lidedelwe maduzane,” kusho uHamnca.
Sekuqashwe onogada ukuba baphelezele abasebenzi bezempilo uma besesibhedlela.
Okhulumela amaphoyisa uConstable Mikateko Bila akazange asiqinisekise isehlakalo.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.