Kushe ikhaphuli ngaphandle kwamahhovisi kahulumeni

Durban – Owesilisa nowesifazane bashe balimala kanzima ngaphandle kwamahhovisi oMnyango wezaseKhaya ePinetown entshonalanga yeTheku, ngokusho kwamaphoyisa nabo sizo lokuqala.

“Ulwazi olutholakalile luveze ukuthi owesilisa uthungele lona wesifazane ngomlilo maqede wazishisa naye,” kusho umthombo wamaphoyisa ongathandanga kudalulwe igama lawo.

“Akukacaci ukuthi kube yini imbangela yalesi sigameko, kodwa uma sebeluleme sebekwazi ukuzikhulumela bazophekwa ngemibuzo,” iphoyisa elingagunyaziwe ukukhuluma nabezindaba.

OLUNYE UDABA: Umkhwenyana uboshelwe ukudlwengula unkosikazi

Uqhube wathi owesifazane ushe kanzima kangangokuba izinwele zokufakelwa abezixhumile zishe zanamathela okhakhayini lwakhe.

Okhulumela abakwa-ER24 uChitra Bodasing uthe laba bobabili balimale kanzima njengoba bephuthunyiswe esibhedlela.

UBodasing akandanga kakhulu ngeminye iminingwane ngalesi sigameko.

          - “Like” ikhasi lethu kuFacebook ukuze uthole izindaba ngolimi lwakho

                - Landela IzindabaNews24 kuTwitter