Kushoda amanzi eGoli namaphethelo

Johannesburg – Kulindeleke aqhubeke nokushoda amanzi ezindaweni ezakhelene nedolobha laseGoli ngenxa yamanzi amancane emadamini amane, kusho uphiko lwezamanzi kuleli dolobha ngoMgqibelo.

Izindawo ezithintekayo zihlanganisa iMalvern, Benrose, Denver, Wesdene, Coronationville, Winchester Hills Ext 3, Thulisa Park, Rosettenville, Bezuidenhout Valley, Kensington, Risana, South Hills, Quellerina, Waterval, Bergbron, Whiteridge, naseRobertsham namaphethelo, kusho okhulumela ezamanzi uMillicent Kabwe esitatimendeni.

Funda nalolu daba: Abuyile amanzi kwezinye izingxenye zeGoli.

Sekukhishwe amathangwe amanzi esikhashana eSouth Hills, Malvern naseWesdene.

"Sisezinhlelweni zokuwabeka nakwezinye izindawo ezithintekayo,” usho kanje. UKabwe uthe iRand Water inezinkinga emadamini ayo amakhulu, njengoba amanzi engayi emadamini ahlinzeka imizi ngamanzi.

"Bayazama ukulungisa inkinga kanti kulindeleke ukuba isimo sibengcono lingakashoni elangeSonto,” kusho uKabwe.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).