Kushone 5 kugqubuzana izimoto

Johannesburg – Kushone abantu abahlanu ngesikhathi kungqubuzana izimoto emgwaqeni u-N14 ngaseDelmas eMpumalanga ngeSonto, kusho abosizo lokuqala.

Abezimo eziphuthumayo bafike endaweni yesehlakalo izimoto zihlakazekile ziphakathi komgwaqo, kusho okhulumela abakwa-ER24 uRussel Meiring.

"Ngesikhathi behlola umonakalo, abosizo lokuqala bathole ukuthi imoto eyodwa ibinabantu abahlanu kanti kwenye bekukhona umuntu oyedwa,” kusho uMeiring.

Funda nalolu daba: I-EFF ikhala ngokuphazanyiswa eThekwini

Izidumbu ezimbili zitholakale emotweni yokuqala, owesithathu ubesesimeni esibucayi ngaleso sikhathi.

Abosizo lokuqala bazamile ukuhlenga impilo yakhe kodwa kwagcina kumenele.

"Abanye ababili abachithwe yimoto nabo bashonile,” kusho uMeiring.  

Umshayeli wemoto yesibili yena utholakale esemotweni esesimeni esibucayi.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).