Johannesburg – Kushone amadoda amabili kwathi abanye abantu abathathu balimala ngesikhathi iloli ishayisa izimoto ezimbili entshonalanga neGoli ngoMgqibelo, kusho abezimo eziphuthumayo ze-ER24.
Le ngozi yenzeke ku-N14 ezimpambanweni zomgwaqo uPinehaven.
I-ER24 ithi amalungu ayo abesegalaji elikuwona lo mgwaqo ngesikhathi ezwa umsindo omkhulu, ase ehamba eyohlola isimo.
“Iloli enkulu yeqe lezi zimpambano yashayisa imoto encane yase ihudula enye ibanga eliyikhilomitha.
“Bathe uma behlola izimoto bathola isidumbu somshayeli weloli. Kukholakala ukuthi ugxume washiya iloli ngesikhathi kwenzeka le ngozi.
“Enye imoto itholakale ngaphansi kweloli, umshayeli wayo eseshonile.”
Iziphathimandla ziyaphenya ngokuholele kule ngozi.