Butterworth – Indoda igwazwe yashona ngesikhathi ilwa nenye emijondolo yaseKhayelitsha, eButterworth, kusho amaphoyisa ase-Eastern Cape ngoLwesithathu.
Okhulumela amaphoyisa uCaptain Jackson Manatha uthe lesi sigameko senzeke ngoMsombuluko.
Uthe le ndoda ibilwa noMasixole Sibango, 23, kanti bobabili bebehlome ngemimese.
OLUNYE UDABA: Kugwazwe indoda ebhishi e-KZN
“Imbangela yalokhu kubulala ayikacaci okwamanje. Umufi ugwazwe amanxeba amaningi emzimbeni,” kusho uManatha.
Uthe uSibango ube eseboshwa ngoLwesibili kanti kulindeleke ukuba avele eNkantolo yeMantshi yaseButterworth ngoLwesine.