01 Aug 2015

Kushone ingane kusha indlu

Cape Town – Kushone intombazane eneminyaka engu-14 ubudala ngesikhathi kusha indlu eMonument Heights, eKimberley ngoLwesihlanu ebusuku.

Okhulumela abakwa-ER24 uChitra Bodasing ukuqinisekisile ukuthi abosizo lokuqala kanye nezinye izinhlaka zabosizo oluphuthumayo babikelwe ngesehlakalo somlilo izolo ebusuku nokuthe uma befika bathola umuzi uvutha amalangabi.

“Owesifazane kanye nezingane ezimbili, okukholakala ukuthi zineminyaka engu-12 nengu-9 ubudala, bakwazile ukuphuma endlini bephephile. Batholakale besegcekeni,” kusho uBodasing.

Funda nalolu daba: Uphendulile uPhiyega ngolwaseMarikana

Uthe ngesikhathi abeFire and Rescue Services sebewucishile umlilo, bathole intombazane isishonile endlini.

Enye yezingane ezilimele iphuthunyiswe esibhedlela ilimele.

Nakuba imbangela yomlilo ingakaziwa, iziphathimandla bezisendaweni yesehlakalo ziqhuba uphenyo.

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()