Abosizo lokuqala bakwaRescue Care, ababizelwe kuKenyon Howden Road, bathole lo wesilisa edindilize enqenqemeni lomgwaqo.
"Babe sebezama ukumsiza, ngebhadi kwatholakala ukuthi umphefumulo ubusuhlukene nenyama,” kusho oweRescue Care, uGarrith Jamieson.
OLUNYE UDABA: Kushone owesilisa engozini
Le ndoda, ebalelwa eminyakeni eko-50 ubudala, kuthiwa ijahe izigebengu ezizame ukubamba owesifazane inkunzi ngesikhathi engena emotweni yakhe.
"Ubesiza ekujaheni izigebengu ngebhadi wawa washona,” kusho uJamieson.
Uthe amaphoyisa ayaphenya ngalesi sigameko.
- “Like” ikhasi lethu kuFacebook ukuze uthole izindaba ngolimi lwakho