Pietermaritzburg - Kushone owesifazane kwathi omunye walimala ngesikhathi kunesigameko sokudubula esenzeke eMgungundlovu, kusho abosizo lokuqala KwaZulu-Natal, ngoLwesithathu.
Lesi sigameko senzeke kuPrivet Road, eRaisethorpe, ngoLwesibili ebusuku, kusho okhulumela iNetcare 911 uChris Botha.
Ngesikhathi abosizo oluphuthumayo betheleka endaweni yesigameko bathole abesifazane ababili bebangwa nezibi.
Omunye wabo ube esephuma umphefumulo khona lapho kwathi omunye waphuthunyiswa esibhedlela.
"Imininingwane eqondile ngalesi sehlakalo ibingakaveli. Uphenyo lwamaphoyisa yilo oluyobe seluqhamuka nezimpendulo," kusho uBotha.
Amaphoyisa awatholakalanga ukuba aphawule ngokushesha ngalolu daba.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter