Kushone owesilisa kushayisana imoto neveni

Johannesburg – Kushone owesilisa kwaphinde kwalimala nomunye ngesikhathi kushayisana izimoto emgwaqweni u-R28 ngaseKrugersdorp ngokusho kwabosizo lokuqala.

“Sithole ukuthi kushayisane imoto neveni.

Imoto yohlobo lweToyota Fortuner ushayisane naleli veni maqede yaphenduka yayoshayisa isibonda,” kusho okhulumela abakwa-ER 24 uChitra Bodasing.

“Abakwa-ER24 nabanye bezimo eziphuthumayo bafike endaweni yesigameko bathola owesilisa evaleleke ngaphakathi emotweni ebifahlake kakhulu.

OLUNYE UDABA: Owesifazane ushayiswe yimoto washona eMagaliesburg

Ngeshwa kugcine ngokumenela engakatakulwa kule moto.

Abezicishamlilo baphoqeleke ukuthi basebenzise izinsimbi zokukuhlenga ukutakula isidumbu sakhe.”

Abosizo lokuqala bamxilongile omunye wesilisa obelimele kule ngozi ngaphambi kokuthi baphuthumise esibhedlela ukuze athole okunye ukwelashwa.

Amaphoyisa aseqale uphenyo ngale ngozi.

      - “Like” ikhasi lethu kuFacebook ukuze uthole izindaba ngolimi lwakho

        - Landela IzindabaNews24 kuTwitter