Johannesburg – Kushone abantu ababili kwathi owesithathu walimala kanzima ngesikhathi imoto abebehamba ngayo iphuma emgwaqweni u-R37 iginqika phakthi kwaseLydenburg naseSabie eMpumalanga ezintatha zangoMsombuluko ngokusho kwabosizo lokuqala.
“AbakwaNetcare 911 bafike endaweni yesigameko bafica imoto iphume eemgwaqweni iginqike eceleni komgwaqo,” kusho okhulumela abakwaNetcare 911 uSanti Steinmann.
“Ngeimuva kokuxilonga abebephakathi abosizo lokuqala bathole ukuthi owesilisa anowesifazane bese beshonile.
OLUNYE UDABA:Kutholwe izidumbu ezishile ngasesiteshini sesitimela
Bese kungasekho abebengakwenza ukuhlenga impilo zabo njengoba beshonele endaweni yesigameko.”
Owesithathu utholakale elimele kanzima kanti ngemuva kokulashelwa endaweni yesigameko lo mlisa oneminyaka engu-34 ubudala uphuthunyiswe esibhedlela ukuze aqhubeke nokuthola ukwelashwa.
Imbangela yale ngozi ibingakaziwa kanti amaphoyisa aseqale uphenyo ngayo.
- “Like” ikhasi lethu kuFacebook ukuze uthole izindaba ngolimi lwakho