Kushone owesilisa nowesifazane engozini yaseGoli

Johannesburg – Kushone owesilisa nowesifazane kwathi abanye ababili balimala kanzima ngesikhathi kushayisana izimoto emgwaqweni eClayville eMidrand ngeSonto ekuseni ngokusho kwabosizo lokuqala.

“AbakwaNetcare 911 bafike endaweni yesigameko kwibhuloho lase-Olifantspruit bathola ukuthi imoto eyodwa iginqike yaphenduka yashayisa nenye imoto,” kusho uChris Botha okhulumela abakwaNetcare 911.

OLUNYE UDABA: Owesifazane ushayiswe yimoto washona eMagaliesburg

“Ngemuva kokuhlola isimo kutholakale ukuthi owesilisa nowesifazane abaseminyakeni ekuma-20 ubudala bashonile ngenxa yokulimala kanzima kwathi abanye ababili bathola ukulimala ezindaweni ezibucayi,” echaza enanela ngokuthi oyedwa uthole imihuzuko engatheni.

Ngemuva kokuba belashelwe endaweni yesigameko abalimele babe sebephuthunyiswa esibhedlela ukuze bathole okunye ukwelashwa.

Imbangela yale ngozi eyenzeke ezintatha ngeSonto ibingakaziwa kanti amaphoyisa aseqale uphenyo.

     - “Like” ikhasi lethu kuFacebook ukuze uthole izindaba ngolimi lwakho

       - Landela IzindabaNews24 kuTwitter