Durban – Izimpi zamaqembu ngaphakathi ehostela labesilisa eGlebelands, eMlazi, zishiye kushone indoda eyodwa kwathi amanye amabili alimala kabi ngoMsombuluko ebusuku.
Amaphoyisa azamile ukuhlukanisa amaqeqebana amabili abevutha engabaselwe.
Kuthiwa kumanje isimo simanzonzo kuleli hostela elidume ngezinkinga.
Okhulumela amaphoyisa uColonel Jay Naicker uthe amaphoyisa ababele kuleya ndawo ngemuva kokuthola umbiko wokuqhuma udede kwesibhamu.
OLUNYE UDABA: Kukhale izulu lezandla ehostela eMlazi
“Athe amaphoyisa uma efika athola amaqoqo amabili amadoda abhekene ngeziqu zamehlo, ehlaselana kungekho ogoba uphondo. Athe ezama ukulamula ahlaselwa nawo.”
Kula masonto amabili edlule sekubulawe abantu abane kuleli hostela.
Lokhu kusho ukuthi sebengu-28 abantu ababulewe ezinyangeni ezingu-14 eGlebelands.