Ngokusho kokhulumela amaphoyisa, uCaptain Malcolm Pojie, uJoseph Isaacs, 15, ugibele ibhasi eJonkersberg, eqomnde ukuya esikoleni.
"Umbiko uthi umufi nomsolwa babe nengxabano bebanga indawo yokuhlala ebhasini, umsolwa,15, ube esegwaza umufi esifubeni, esebenzisa umese," kusho uPojie.
U-Isaacs wehliswe ebhasini waphuthunyiswa esibhedlela iGeorge.
"Imizamo yokumhlenga yehlulekile, ushonele esibhedlela."
UPojie uthi umsolwa ugwazwe ngemuva kokuhlonzwa ozibonele, uzohlolwa ngosonhlalakahle, usagcinwe esitokisini samaphoyisa.
Umfana uzovela ngaphambi kweNkantolo kaMantshi waseMossel Bay ngoLwesibili.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.