Johannesburg - Kubikwa ukuthi indodakazi yomholi weNational Freedom Party uZanele KaMagwaza-Msibi engumlingisikazi uGugu Gumede ingene esibhedlela ngemuva kokubona isimo sikanina.
UKaMagwaza-Msibi waphuthunyiswa esibhedlela ngeSonto eledlule kanti kunamahlebezi athi uhlaselwe yisifo sohlangothi.
Imithombo ibike ukuthi ubekwe egumbini laba gula kakhulu ngesikhathi isimo sakhe sibabucayi.
Umthombo osendelene nabomndeni uthe uGugu ngemuva kokubona isimo sikanina uvele wagula.
UGugu akatholakalanga ukuba aphawule.
UKaMagwaza-Msibi uphinde abe yiPhini likaNgqongqoshe wezeSayensi nobuChwepheshe.
OLUNYE UDABA: Ingeniswe esibhedlela ixinekile inkakha yePirates
Okhulumela ungqongqoshe uCanaan Mdletshe uthe uKaMagwaza-Msibi usesimweni esikahle kanti noGugu uphilile.
NgoLwesibili uMdletshe uKaMagwaza-Msibi ubelihamba lonke elakuleli kanti kusolwa ukuthi yikho okuholele ekuguleni kwakhe. "Njengamanje usaphumula".
Kubikwa ukuthi ukunqatshelwa kwabanye babaholi beNFP ukuba bayobona oKaMagwaza-Msibi esibhedlela kususe izinsolo ngesimo sakhe.
Omunye wabaholi beNFP utshele i
Daily Sun ukuthi abaholi beqembu basola ukuthi abomdeni bakholwa wukuthi uKaMagwaza-Msibi uyathakathwa ngemuva kwemibiko yokuthi kufanele agudluke esikhundleni sokuba ngumholi weqembu.
"Siyasihlonipha isinqumo somndeni kodwa ungumholi wethu," kusho lo mholi elingadalulwanga igama lakhe.
"Amalungu afuna izimpendulo. Sifisa ukuba amalungu esigungu esiphezulu eqenjini avunyelwe ukuyomubona ukuze ezokwazi ukukhipha isitatimende emphakathini."
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter
- Thola ezinye izindaba zeDaily Sun kumakhalekhukhwini wakho
- Thola izindaba zeDaily Sun kuFacebook
We live in a world where facts and fiction get blurred
Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.