Port Elizabeth – Owelisa udliwe amabhubesi washona ngesikhathi engena lapho kuvalelwe khona lezi zilwane endaweni egcina izilwane e-East London ngoLwesibili.
Ngokubika kweTimeslive okhulumela iBuffalo City uThandy Matebese uthe lo mlisa ukhokhile wabe esengena njengomuntu ozobuka izilwane.
“Ngokombiko lo mlisa ungene ekuseni kule ndawo kungagcwali kanti ubekhombisi izimpawu zokuphazamiseka engqondweni noma zokuba nengcindezi,” kuchaza uMatebese.
OLUNYE UDABA: Ushonile ohlaselwe yindlulamithi eLimpopo
“Sisola ukuthi usebenzise udonga olusekhoneni ukunontela eqe uthango oluvikela amabhubesi wabe esigxumela lapho evalelwe khona.
Isidumbu sakhe ebesimanikiniki sitholwe ngemuva kwesikhathi.”
Kubizwe abezimo eziphuthumayo neziphathimandla kanti uphenyo seliqalile.
Lo mlisa alidalulwanga igama lakhe njengoba bekusamele kwaziswe umndeni nezihlobo.
- “Like” ikhasi lethu kuFacebook ukuze uthole izindaba ngolimi lwakho