Kusuke isidumo kubangwa imali 'yeqolo'

Lo baba obethukuthele egane unwabu ugcine eseyilimaze umqala wayiphula nengalo.

Ingane iphuthunyiswe esibhedlela iPelonomi kulandela lesi sigameko esenzeke ekhaya likamama wengane oneminyaka engu-16 ubudala elisePieter Swart elokishini laseMangaung, eFree State.

Ugogo wengane utshele abeDaily Sun wathi: "Ubaba wengane wafika ngoLwesihlanu ngesikhathi ngingekho ngisemsebenzini waphoqa indodakazi yami ukuba ibhalisele imali yesibonelelo."

"Wayefuna ukuba bahambe bobabili baye kwaSassa kodwa wanqaba."

Wahlwitha ingane wayifaka phakathi ebhakedeni.

Umama ezama ukusindisa ingane wayidonsa kuyise wabe esemgwaza ngaphambi kokuba ebaleke.

Lo wesilisa akasebenzi, kunokuthi ayofuna umsebenzi ubona kuncono athole imali esheshayo, kusho umbiko.

Bekhuluma nethimba lephephandaba esibhedlela umama wengane uthe: "Ngiyayisabela impilo yami. Ngifisa aboshwe."

UConstable Joy Xaba uthe kuvulwe icala lokuzama ukubulala nelokulimaza.

Umsolwa usagcwele amathafa.

 - “Like” ikhasi lethu kuFacebook ukuze uthole izindaba ngolimi lwakho 

 - Landela IzindabaNews24 kuTwitter

 - Thola ezinye izindaba zeDaily Sun kumakhalekhukhwini wakho

 - Thola izindaba zeDaily Sun kuFacebook