Johannesburg – Kusuke esinamathambo enkundleni yokuxhumana kuthathana umholi
we-Economic Freedom Fighters noNgqongqoshe wezeMidlalo uFikile Mbalula.
Ngokombiko we-Timeslive laba baholi basusane kwiTwitter ngemuva kokuba uMbalula
esole uMalema ngokugqoka i-overall ePhalamende kodwa ngaphandle agqoke isudu
yohlobo lwe-Louis Vuitton.
Kubikwa ukuthi uMbalula ubhale wathi @NzingaQ “Ama-overall
ashintshiwe namhlanje kwagqokwa ama-LV phela inkantolo ayidlali umthetho
uyahlonishwa.
Ngeke kugqokwe ama-overall enkantolo…”
OLUNYE UDABA: Uyinkunzi uFikile Mbalula
Kuthiwa uphinde wabhala ukuthi “Ubesenkantolo
namhlanje ngokukhwabanisa, kungabe usezibuzile yena ukuthi uzoyikhokha nini
imali yaseLimpopo noma uqhube ngendlela ajwayele ukwenza ngayo?”
UMbalula uqhubekile
wabhala futhi “I-EFF isiyenze zonke izinto eyayithe ngeke izenze uma inge
ePhalamende, iyona eyaba ngeyokuqala ukuzitapela ekudleni kwasePhalamende
nmzima19.”
Kubikwa ukuthi uMalema ube
esephendula ngokubuza uMbalula ukuthi yena akawagqoki ama-LV. “Uma ukugqoka
ibhande le LV kukwenza ungazilweli izimfuno zabantu kusho kuthi nawe awehlukile
kunami”.
UMalema uqhubekile wabhala futhi ukuthi uma
kunemali okumele ayikhokhe noMbalula kumele amkhokhise Kanti uphinde wabuza
uMbalula ukuthi ubani owakhokhela umcimbi wakhe wokugubha iminyaka engu-40
ubudala.
- “Like” ikhasi lethu kuFacebook ukuze uthole izindaba ngolimi lwakho