Cape Town - Kuboshwe owesilisa ngemuva kokutholakala kwesidumbu sowesifazane, 39, ehhotela eliseCamps Bay ngoLwesithathu ntambama, kusho amaphoyisa.
Akucaci kahle ngokwenzekile mayelana nalesi sigameko, kepha kukholakala ukuthi umufi udabuka eMelika kanti ubeseholidini eKapa.
Umsolwa, 41, okukholakala ukuthi ubazana nomufi ungumsinsi wokuzimilela kuleli.
OLUNYE UDABA: Kutholakale isidumbu esonakele esiteshini sesitimela eKZN
Okhulumela amaphoyisa uConstable Noloyiso Rwexana utshele iNews24 ukuthi lesi sigameko sibikwe emaphoyiseni ngabo-15:00.
“Kuyaphenywa ngalolu daba. Umsolwa kulindeleke ukuba avele enkantolo uma esebekiwe icala," esho.
Umkhuzi wamaphoyisa esiteshini esiseCamps Bay uCaptain Delicia Isaacs akakwazanga ukuqinisekisa ukuthi lo wesifazane ubulawe kanjani.