Lagos – Kubikwa ukuthi kutholakale ingane yentombazane eneminyaka emine
yaseNingizimu Afrika ngemuva kokuthi ilamale ngesikhathi kubhidlika isonto
iSynagogue Church of All Nations eNigeria eliholwa nguTB Joshua.
Kubikwa ukuthi
lokhu kuvezwe yithimba labeGift of the Givers elihambele kule ndawo eLagos ngoLwesihlanu.
Kuthiwa ukutholakala
kwale ngane ogama layo nguZama kuvele ngesikhathi uSheik Mahomed Jamie weGOTG
ethungatha owesifazane ngemuva kokuthintwa umndeni wakuleli odukelwe
yisihlobo.
OLUNYE UDABA: U-TB Joshua welapha ngisho ingculazi - Umbiko
Ngokusho komsunguli weGOTG u-Imtiaz Sooliman uthe baqale bayombheka
esibhedle lona wesifazane.
“Esibhedlela asilutholanga usizo njengoba sxoshwa
kanzima,” kucha uSooliman. USooliman uthe uJamie uhambele esinye isibhedlela iSubol
eNigeria nokuyilapho ethola khona ukuthi kunengane yentombazane yalimala
ngesikhathi kuwa leli bhilidi.
Uthe abanaso isiqiniseko sokuthi abazali
basaphula noma bashonile kodwa bazolulandela udaba lwakhe.
Uveze ukuthi uZama
usagciniwe esibhedlela kanti akwaziwa ukuthi angase adedelwe nini.
Kubikwa
ukuthi isibalo sabantu asebeshonile bakuleli sesinyukele ku-84 sisuka ku-67
owamenyezelwa nguMengameli Jacob Zuma.
- “Like” ikhasi lethu kuFacebook ukuze uthole izindaba ngolimi lwakho