Johannesburg - Izakhamuzi zesigodini sasePhakwe eMsinga zisale zibambe ongezansi ngemuva kokutholakala kwezicubu zomzimba wengane ehlathini.
UBongani Ngubane, nokunguye owazithela phezu kwale mhlola, uthe:"Bengihamba ngifuna izimbuzi zami ehlathini ngesikhathi ngibona enye yabadlwane bami ihudula ikhanda lomuntu esikhotheni.
"Ngethuka ngasho ngejubane ngiyobiza umphakathi. Sisola ukuthi lesi sigameko sihlobene nokwenza imithi ngoba angikaze ngizwe ngomuntu wesifazane okhiphe isisu kule ndawo,"usho nje.
Imilenze nezingalo bekungekho. Izakhamuzi zisola ukuthi le ngane ibulawe kwenye indawo yabe isilahlwa kuleli hlathi.
UNgubane uqhube wathi: "Sesibuze abantu esigodini kodwa akekho owaziyo ngale ngane,
kunzima ukuthola unina ngoba ayikaze yenzeke into efana nale endaweni."
INkosi yendawo uZodlani Mweli ukuqinisekisile ukuthi wabikelwa ngesigameko, wabe esethi uzobiza umhlangano womphakathi maduze.
Uqhube ngokuthi: “Kunzima ukuthola umsolwa."
Owamaphoyisa uColonel Jay Naicker uthe: "Singakuqinisekisa ukuthi kuvulwe idokodo esiteshini samaphoyisa aseMsinga ngemuva kokutholakala kwesidumbu endaweni yasePhakwe."
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter
- Thola izindaba zeDaily Sun kuFacebook