Rustenburg – Onogada basemayini i-Aquarius Platinum eKroondal ngokubambisana namaphoyisa aseRustenburg bathole izidumbu ezimbili ziboshwe izandla nezinyawo ngemuva esigangeni esiseduze nale mayini.
Onogada bebejaha abasolwa abebeba amakhebuli ngesikhathi behlangabezana nalezi zidumbu.
Bathole isidumbu sowelisa oneminyaka ekuma-30 ebesilahlwe emgodini.
OLUNYE UDABA: Kulimale 6 kuwa itende KwaZulu Natal
Onogada babe sebebikela amaphoyisa aseRustenburg afike endaweni yesigameko aqale uphenyo athungatha kuyona le ndawo.
Okhulumela amaphoyisa aseNorth West uPaul Ramaloko uthe esinye isidumbu naso ebesiboshwe izandla nezinyawo ngemuva sitholwe endaweni eyibanga elingamamitha angu-100 nalapho kutholakale khona esokuqala.
- “Like” ikhasi lethu kuFacebook ukuze uthole izindaba ngolimi lwakho