29 Jul 2014

Kuxwayiswa abezempilo ngesifo i-Ebola

Cape Town - Abasebenzi bezempilo eNingizimu Afrika banxuswe ukuba baqaphele izimpawu zesifo i-Ebola.

INational Institute for Communicable Diseases inxusa abasebenzi bezempilo ezibhedlela zikahulumeni nasemitholampilo ukuba baqaphele isifo i-Ebola, nakuba leli laseNingizimu Afrika okwamanje lingekho engcupheni, lesi sifo kodwa sibhebhetheka ngamandla.

Emazweni asentshonalanga ne-Afrika sekukhishwe imibhalo eminingi kuxwayiswa abantu ngalesi sifo.

Ukuqubuka kwe-Ebola virus disease (EVD) kwaqala ukubikwa yi-World Health Organization ngomhlaka-23 Mashi 2014.

Okwamanje kuvela ukuthi lesi sifo siqale saqubuka esifundeni iGuéckédou eGuine ngoDisemba 2013, sabe sesibhebhethekela nakwezinye izifunda kuleliya lizwe, kanjalo nasemazweni angomakhelwane, eLiberia naseSierra Leone.

Kuze kubemanje lesi sifo akukalawuleki ukubhebhetheka kwaso.

Bangu-1 201 abantu okubikwa ukuthi sebephathwe yisona kanti bantu bangu-672 esesibabulele kusukela kuqale unyaka.

– "Like" ikhasi lethu ku-Facebook uze ukwazi ukujoyina inkulumo ngolimi lwakho.

– Landela IzindabaNews24 kuTwitter (@IzindabaNews24).

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()