UPeters uzophinda abeke obala zonke izinhlelo nezinhloso ngalo mkhankaso ekubhekeke ukuthi ulwe nezingozi emigwaqeni yaseNingizimu Afrika.
NgoMsombuluko, abakwaRoad Traffic Management Corporation bathi sekushone abantu abangu-103, kusukela kwaqala amaholidi ePhasika.
"Kuze kube nguMgqibelo ebusuku, izibalo zithi bangu-103 abashone ezingozini ezingu-80 ezenzekile," kusho isikhulu kwa-RTMC, uGilberto Martins.
"Okwamanje asikabi nezibalo eziqondile, nokho zizokwazeka maduzane," kuchaza uMartins.
Ngesonto eledlule uPeters, wakhuluma wathi kuzokhishwa emgwaqeni izimoto nabashayeli abangekho sesimweni.
"Sikholwa wukuthi kunendlela ethize ekumele kubhekwe ngayo abantu abasebenza ukuthutha impahla nezithuthi zomphakathi," esho ekhuluma ePitoli.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter (@IzindabaNews24).