Cape Town – Kubikwa ukuthi kuzongenelela uMnyango wezokuthuthikiswa komphakathi ngemuva kokutholwa kwengane yomfana eneminyaka emithathu ubudala emathuneni asePlumstead, eKapa ngoMgqibelo.
Owenhlangano iPhilisa Abafazi Bethu esiza ngokuthola izingane ezilahlekile, uLucinda Evans, uthe ngemuva kokuthola ingane, uthathe isinqumo sokungayihambisi kubo kunalokho bayihambise kwabezenhlalakahle.
"Sihlale phansi nabomndeni sasesibona ukuthi kungcono kungenelele uMnyango," usho kanje ngoMsombuluko ekuseni.
Le ngane ishiywe emathuneni ngoMgqibelo. Yize kunjalo abomndeni baze babika ngeSonto ngezithuba zabo-20:00 ebusuku, kusho u-Evans.
"Lo mfanyana utholwe umshayeli ngesikhathi sekuhambe wonke umuntu emathuneni, ngemuva kwemingcwabo ngempelasonto."
Le ngane ithathwe yasiwa esiteshini samaphoyisa aseDiep River ngaphambi kokuba idluliselwe endaweni yokuphepha.
OLUNYE UDABA:Kutholwe ingane igqitshwe esihlabathini solwandle
U-Evans uphinde wathi lo mfana ubatshele ukuthi igama lakhe nguLlewellyn kodwa wangakwazi ukusho amagama abazali bakhe.
NgoMsombuluko ekuseni u-Evans uthathe le ngane wayihambiso eMnyngweni wezokuThuthukiswa koMphakathi.
U-Evans uthe balindele ukuba le ngane igcinwe kwabezihlalakahle kuze kuba ithola indawo efanele, kubika iCape Argus.
- “Like” ikhasi lethu kuFacebook ukuze uthole izindaba ngolimi lwakho