Kuzosungulwa kabusha ikomidi ngolwaseNkandla - ANC

Johannesburg – Kuzophinde kusungulwe ikomidi lamaqembu asePhalamende ngenhloso yokucubungula impendulo kaMengameli uJacob Zuma yombiko kaMvikeli woMphakathi uThuli Madonsela ngeNkandla, kubike iBeeld ngoMsombuluko.

USotswebhu we-ANC uStone Sizani ukuqinisekisile lokhu ngeSonto ngemuva komhlangano we-ANC.

"Umengameli wabhalela usomlomo incwadi ngesikhathi ehambela umhlangano weBrics, emazisa ukuthi uzokwethulela iPhalamende impendulo yakhe uma esebuya.

"Sesilinde wona manje. Uma nje sesiwutholile, iPhalamende lizosungula ikomidi,” usho kanje.

Ikomidi laphambilini lahlakazwa ngaphambi kokhetho lwangoMeyi 7.

Embikweni wakhe wangoMashi, uMadonsela wathola ukuthi uZuma nomndeni wakhe bahlomula ngokungafanele ngesikhathi kuqiniswa ezokuphepha emzini wakhe ngesamba sika-R246m.

UZuma wahluleka ukuphendula ngosuku ayezibekele ukuthi uzophendula ngalo. 

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).