"Ngike ngaya eNkandla, loya msebenzi uveza ukuthi impela imfuyo kamengameli uZuma ihlala ngaphansi kwesimo esingcono kunabantu baseProtea South," usho kanje enkulumweni yakhe.
"Ngikholelwa wukuthi iGauteng ingenza okuningi ukuhlinzeka ngezidingo ezindaweni zasemijondolo."
UMaimane, ongumholi weDemocratic Alliance eGoli, ubekhuluma kumkhandlu wedolobha ngesikhathi kunenkulumompikiswano ngesimo sedolobha.
Uthe abantu beza eGauteng bezobheka amathuba angcono bephuma kwezinye izifundazwe, futhi idolobha kumele libasize abantu balo baphile kangcono.
Uthe umhlaba kumele unikezwe imindeni engaphezulu kuka-220 000 yaseGauteng esalinde amatayitela emizi.
IMeya yaseGoli uParks Tau uthe idolobha linomhlaba ongabiza u-R23 billion ongaphansi kwedolobha.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter