"Ngizokwengeza elinye icala, elokubulawa kukaPhumlani Ncube," kusho umshushisi uLawrence Gcaba, etshela iNkantolo kaMantshi e-Alexander.
"Icala lokubulala libhekene nomsolwa wokuqala, owesihlanu, owesithupha nowesikhombisa."
Abasolwa ngoKrejcir, uSiboniso Miya, nephoyisa uNandi Nkosi kanye noNkanyiso Mafunda.
UNcube wabulawa ngoJulayi ngonyaka odlule, isidumbu sakhe satholwa silahlwe eHeidelberg.
UKrejcir, uMiya, uZoduma Biyela, uJacob Nare, uMafunda, uNkosi no-Owen Serero, bavele phambi kweMantshi uReiner Boshoff ngamacala okuhlela ukubulala.
Basolwa ngokuba yingxenye yeqembu elalihlela ukubulala uColonel Nkosana Ximba kanye nomseshi uPaul O'Sullivan.
Abasolwa bokuqala abane, uMiya, Biyela, Nare noSerero, baboshwa ngoJanuwari 9.
UNkosi noKrejcir baboshwa baphinde bathweswa amacala ngoMashi.
UBoshoff usivumile isicelo soMbuso sokuba icala lihlehliswe ukuze kwenziwe uphenyo olunzulu.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter (@IzindabaNews24).